KIRKJUSKATTUR

Fimta kirkjuboðið sigur ”Tey trúgvandi hava skyldu at varða av materiellu tørv Kirkjunnar”.

Tað gera tey við regluliga at stuðla kirkjuna peningaliga. Í okkara bispadømi mæla vit til at gjalda 1% av skattskyldugari inntøku ella eftir eftir besta førimuni.

Í Føroyum rindar tú kirkjuskattin inn á konto í Betri Banka 9181 1505159.

TAKS krevur kirkjuskatt inn til fólkakirkjuna í Føroyum saman við vanligum skatti til land og kommunu. Hesin skattur til fólkakirkjuna hava katolikkar sjálvandi ikki skyldu at gjalda.

Um so er at tú av misgáum verður kravt eftir kirkjuskatti til fólkakirkjuna, skalt tú venda tær til TAKS við einari váttan frá sóknarpresti ella diakoni um, at tú ert limur í katólsku kirkjuni. Tá verður mistakið rættað.